Резидентура

«Ересектер мен балалар Офтальмологиясы» мамандығы бойынша резидентурада оқыту тек күндізгі нысанда өткізіліп, төмендегідей қаржыландырылады:

- мемлекеттік тапсырысты іске асыру,

- жергілікті бюджет қаражаты есебінен,

- білім алушының өз қаражаты есебінен.

Резидентураға тыңдаушыларды қабылдау - емтихан тапсыру арқылы конкурстық негізде жүзеге асырылады.

Резидентураға өтініштерді қабылдау - 3-25 шілде аралығында

Түсу емтихандары - 8-16 тамыз аралығында

Резидентураға есепке алу - 28 тамызға дейін

Жұмыс уақыты - сағат 08.00-17.00. (түскі үзіліс сағат 12.00 - 13.00). Демалыс күндер - сенбі, жексенбі

РЕЗИДЕНТУРАҒА ТҮСУ ҮШІН ҚАЖЕТТІ

ҚҰЖАТТАРДЫҢ ТІЗБЕСІ:

Резидентураға түсетін тұлғалар, ағымдағы жылдың 3-25 шілдесі аралығында құжат тапсырады.

Қабылдау комиссиясына тапсыруға арналған құжаттар:

1) ұйым басшысының атына белгіленген нысандағы өтініш;

2) жоғары білім туралы құжат (түпнұсқасы және көшірмесі);

3) интернатураны бітіргені туралы куәлік (түпнұсқасы және көшірмесі);

4) жеке куәлік (түпнұсқа және көшірмесі);

5) көлемі 3х4 сантиметр алты фотосурет;

6) «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген 086-У (немесе 075-У) нысанындағы медициналық анықтама (Нормативтік құқықтық актілерді мемлекеттік тіркеу тізілімінде № 6697 болып тіркелген);

7) кадрларды есепке алу жөніндегі жеке парақ;

8) медициналық ұйымнан үміткерді оқытуға қолдаухат (ЖАО-мен шарттар шеңберінде оқуға түсушілер үшін/ұйымнан шарт жасасу және оқу шығыстарын төлеу туралы кепілдік хат (ұйым оқуға ақы төлеу шартымен ақылы негізде оқуға түсушілер үшін);

9) Ғылыми жарияланымдардың болуын растайтын құжаттар (бар болса);

10) Қолданыстағы TOEFL және IELTS сертификаттары (бар болса);

11) Пластикалық папка (үсті мөлдір) - 1 дана.

Ескерту:

1. Үміткер құжаттарын комиссияға жеке тапсырады;

2. Құжаттарды қабылдау мына мекен-жай бойынша жүргізіледі: Алматы қаласы, Қожамқұлов көшесі, 136, ҚазКАҒЗИ-ның емханасы, дипломнан кейінгі білім беру бөлімі (№ 1,2 кабинеттер).

Қосымша ақпаратты мына байланыс нөмірлері арқылы алуға болады:

+7 (727) 341 02 96, +7 (708)6370655 WhatsApp

немесе e-mail: poslediplom@mail.ru поштасына жазуға болады

Құжаттар тізбесі толық ұсынылмаған жағдайда, қабылдау комиссиясы өтінішті одан әрі қараудан бас тартуға құқылы.

Документы для скачивания